Зыер къэзгъэлъэгъорэ приставкэхэр
1. Зыер къэзгъэлъэгъорэ приставкэхэр зэгъапшэх. Сравни приставки принадлежности.
| Имущественная принадлежность | Родственная принадлежность | Органическая принадлежность |
| сичыл | сянэжъ | сынэ, сӀэ |
| уикъутыр | уятэжъ | унэ, плъакъо |
| икъал | ыш | ыгу, ынэгу |
| тиеджапӀ | тянэхэр | тыбгыхэр, тӀэхэр |
| шъуиун | шъуянэшхэр | шъуцэхэр, шъушъхьэхэр |
| яхэгъэгу | яӀахьылхэр | анэхэр, анапцэхэр |
2. Угу иубыт! Запомни!
В адыгейском языке приставки, обозначающие принадлежность, делятся на приставки:
- имущественной принадлежности (си-, уи-, и-, ти-, шъуи-, я-);
- органической и родственной принадлежности (ся-, уя-, ы-, тя-, шъуя-, я-) [сы- (с-), у- (п-), ы-, ты- (т-), шъу-, а-].
3. КъызэдзэкӀ, тхы, приставкэхэр къыхэгъэщых. Переведи, запиши, выдели приставки.
Мои книги, твоя улица, её платье, ваша школа, их класс, моя рука, твой нос, его родители, наши руки, ваша мать, их улица.
4. Диалогым уиныбджэгъу къыдедж. Прочитай диалог с другом.
Чыназ: Уимафэ шӀу, Анна!
Анна: Тхьауегъэпсэу, Чыназ! КъакӀо къеблагъ!
Чыназ: Урокхэр пшӀыжьыгъэха?
Анна: Ары, сшӀыжьыгъэх. НекӀо музыкэм тедэӀущт. Гъэмафэр зэрэбгъэкӀуагъэри къысфэпӀотэщт. (И расскажешь о том, как ты провел лето.)
Чыназ: Ары сэри сызыфаер. (Я тоже этого хочу.) Сэри, ощ фэдэу (как и ты), сянэжъ-сятэжъхэм адэжь сыщыӀагъ.
Анна: Сыд фэдэ чыла ахэр зыдэсхэр? (В каком ауле они живут?)
Чыназ: Ахэр къуаджэу Афыпсыпэ дэсых.
Анна: Тыда ар?
Чыназ: Ар Краснодар ыкӀыб (это за Краснодаром), Тэхъутэмыкъое район.
Анна: Дэгъу, къэӀуат.
Чыназ: А лъэныкъом чӀыопсыр щыдэхэ дэд. Ащ ӀэзапӀэу дэтыр зэрэдахэр! (Как красива больница там!)
Анна: Сыд фэдэ ӀэзапӀа?
Чыназ: Ар Шъэумэн Хьазрэт аригъэшӀыгъ. Ащыгъум (тогда) ар джыри Адыгэ Республикэм ипрезидентыгъэп.
Анна: Адэ сыдэущтэу аригъэшӀыгъагъа?
Чыназ: Ащ дэгъоу Ӏоф ышӀэщтыгъэ. Красноярскэ краим дышъэ къыщычӀихыщтыгъэ (добывал). ЦӀыф цӀэрыӀоу щыт, ихэгъэгу, илъэпкъ шӀу елъэгъу. ЦӀыфхэр зэкӀэ ащ фэразэх (довольны им). Мары ӀэзапӀэм исурэт, еплъ.
Анна: Сыдэу дэхэ дэда!
5. Афыпсыпэ дэт ӀэзапӀэм исурэт еплъ. УпчӀэхэм джэуапхэр къятыжьых. Рассмотри фотографию клиники в Афипсипе. Ответь на вопросы.
- Афыпсыпэ дэт ӀэзапӀэр сыд фэда?
- Ар этаж тхьапшэу зэтета?
- ӀэзапӀэм ищагу сыд фэда?
- ӀэзапӀэр хэт аригъэшӀыгъа?
6. ЗэгъашӀэ. Выучи.
| Ары сэри сызыфаер. | Я тоже этого хочу. |
| ӀэзапӀэ | больница |
| ышӀыгъ | 1. сделал; 2. построил |
| аригъэшӀыгъ | сделали (построили) по (его) указанию |
| президентыгъ | был президентом |
| джыри президентыгъэп | ещё не был президентом |
| дышъэ | золото |
| цӀыф цӀэрыӀу | знаменитый человек |
| ЦӀыфхэр ащ фэразэх. | Люди довольны им (благодарны ему) |