Бжыхьэр сикӀас
1. Мы упчӀэ купхэм ащыщэу тара ептыщтыр: а) уиныбджэгъу; б) уикӀэлэегъаджэ? Какие группы вопросов ты задашь: а) своему другу; б) своему учителю?
— Сэлам, ...! УиӀофхэр сыдэу щытха? Гъэпсэфыгъо мафэхэр сыдэущтэу бгъэкӀуагъэха? Тыдэ ущыӀагъа?
— Уимафэ шӀу, ...! Сигуапэ узэрэслъэгъурэр! Сыдэу ущыт? Дэгъоу зыбгъэпсэфыгъа?
УпчӀэхэр гъэфедэхэзэ, уикӀэлэегъаджэ (уиныбджэгъу) дэгущыӀ. Используя вопросы, поговори со своим учителем (со своим другом).
2. ГущыӀэхэр хэгъэуцожьхэзэ, къэӀотэн зэхэгъэуцу. Вставляя слова, составь рассказ.
Гъэмафэр зэрэзгъэкӀуагъэр.
Гъэпсэфыгъо мазэхэр сэ ... (дэгъоу, дэеу, дэгъу дэдэу, чэфэу, зэщыгъоу, гъэшӀэгъонэу) згъэкӀуагъэх. Апэрэ мазэр ... щызгъэкӀуагъ, ятӀонэрэ мазэм ... сыщыӀагъ, ящэнэрэ мазэр ... щызгъэкӀуагъ (хым, тидачэ, сиӀахьылхэм адэжь). Гъэмэфэ реным (всё лето) сэ тхылъхэм ..., пцэжъые ..., сянэ-сятэхэм, сянэжъ-сятэжъхэм (садэӀэпыӀагъ, сяджагъ, сешагъ).
3. Столбикищмэ атет гущыӀэхэр зэгъэгъусэ-зэ, гущыӀэухыгъэхэр зэхэгъэуцох. Соединяя слова в трех столбиках, составь предложения.
| Гъэмафэм | макӀэу | тыгъэр къепсы |
| КӀымафэм | дахэу | бзыумэ орэд къаӀо |
| Гъатхэм | тӀэкӀу-тӀэкӀоу | къегъэжъу |
| Бжыхьэм | нахьыбэрэм | ос къесы |
4. Диалогым шъукъедж. Прочитайте диалог.
— Гъэмафэр уикӀаса? — Ары, гъэмафэр тхъагъо, ау бжыхьэри сыгу рехьы.
— Сыдым пае? (Отчего?)
— Бжыхьэм чӀыопсыр дэхэ дэд!
— Шъыпкъэ. Анахьэу бжыхьэм мэзыр дахэ. Чъыг тхьапэхэр зэмышъогъух (разноцветные): зыхэр гъожьых, зыхэр плъыжьых, зыхэр джыри шхъуантӀэх.
— ЕтӀани бжыхьэм еджапӀэм тычӀэхьажьы (возвращаемся), тиныбджэгъухэм таӀокӀэ (встречаемся).
— Бжыхьэм ощххэр бэрэ къещхых. Ощхыр о уикӀаса?
— Ощхым сеплъыныр сикӀас.
5. ГущыӀэхэр зэгъашӀэх.
| шъыпкъэ | правда |
| дэхэ дэд | очень красивый, очень красиво |
| чъыг тхьапэхэр | листья деревьев |
| зэмышъогъух | разноцветные |
| еджапӀэм тычӀэхьажьы | возвращаемся в школу |
| тиныбджэгъухэм таӀокӀэ | встречаемся с друзьями |
| сеплъыныр сикӀас | люблю смотреть (на что/кого-либо) |